Inicio

Actividades municipais 2011
  • Martes, 06 Septiembre 2011

Co fin do verán e o comezo dun novo curso escolar, retómanse tamén as actividades culturais e deportivas organizadas polo Concello de Cabanas. O obxectivo a perseguir volverá a ser o de dar unha alternativa de ocio tanto ós máis cativos do concello como ós maiores, cunha ampla oferta na que poder escoller.

Ximnasia terapéutica e de mantemento, aeróbic, psicomotricidade, predeporte, multideporte, fútbol sala, pilates, ioga, ou tenis son as posibilidades deportivas que se ofrecen, mentres que entre as culturais atópase pintura, bolillos, bailes de salón, inglés, artesanía e manualidades, corte e confección ou música.

O prazo para presentar as inscricións comezará este mesmo luns cinco de setembro, rematando o mesmo o día vinte e tres. Aquelas persoas que xa participaron o ano pasado nalgunha das actividades e que non cambiaron o seu número de conta, non precisan cubrir a ficha de domiciliación bancaria. Os horarios que se incluen nesta información son orientativos, xa que as actividades dependerán de que se acade o número mínimo de inscritos para levarse a cabo (12 persoas por actividade). Para acadar máis información poden dirixirse ó departamento de cultura e deportes do Concello de Cabanas ou ben chamar directamente ó 981 49 59 59.

Folla de inscrición para actividades culturais e deportivas do curso 2011-2012

Folla de inscrición para Escola de Música no curso 2011-2012

Folla de domiciliación bancaria para actividades culturais e deportivas

Folla de domiciliación bancaria para Escola de Música

Horario para actividades de adultos no curso 2011-2012

Horario para actividades de nenos e rapaces no curso 2011-2012

Bando Municipal sobre o Consumo de Auga
  • Viernes, 05 Agosto 2011

DON GERMÁN CASTRILLÓN PERMUY, ACALDE-PRESIDENTE DO CONCELLO DE CABANAS (A CORUÑA)

         FAI SABER:

Que nas últimas semanas vense producindo un descenso considerable da capacidade de extracción de augas por causa da seca que vimos padecendo nos últimos meses. De persistir esta situación verémonos na obriga de realizar cortes no subministro e é por iso que apelamos á responsabilidade de todos, rogando que se extremen as medidas de aforro, y se realice un uso responsable e soidario da auga potable, na que debe ter prioridade o consumo humano, evitando outros usos. É por ese motivo que se tomarán as seguintes medidas:

 

PRIMEIRO.- Recomendar a todos os consumidores e usuarios que eviten todo exceso de consumo de auga potable nos usos domésticos e industriais, adoptando medidas de aforro de consumo.

SEGUNDO.- Cortar o subministro diario de auga ás duchas das praias.

TERCEIRO.- Non utilizar a auga da rede municipal para o enchido de piscinas privadas.

CUARTO.- Evitar a utilización de auga potable procedente da rede municipal para a limpeza de vehículos.

QUINTO.- Prohíbese o rego de parques e xardíns públicos e privados.

SEXTO.- Estender as recomendacións anteriores para os consumos de auga privada, procedente de pozos.

 

Ademais destas medidas, rogamos que calquera veciño/a non dubide en comunicar ó concello calquera situación de avarías ou fugas que poidan ser detectadas. Asemade recoméndaselles ós titulares de actividades nocturnas que permanezan atentos a esta situación, pois de ter que iniciarse os cortes de subministro, empezaranse realizando cortes nocturnos co fin de reducir a afección ó conxunto da poboación en horarios de máxima actividade. Pedimos a máxima colaboración a todos os veciños, pois en gran medida, disto dependerá que en caso de producirse restricións sexan as menos posibles se non gastamos inutilmente un ben tan necesario como é a auga.

 

O que se fai público para xeral coñecemento e cumprimento.

Cabanas, 4 de agosto de 2011

O Alcalde,

 

 

Asinado: Germán Castrillón Permuy

Inicio das actividades de verán
  • Miércoles, 20 Julio 2011

No Concello de Cabanas xa se puxeron en marcha as distintas actividades que a través da súa concellería de cultura e deportes pretenden ofertar unha alternativa de ocio para o tempo libre dos máis pequenos. Desta forma ademais das tradicionais Ludoteca e Campamento Urbano, este ano contarase coa novidade dun Campus de Fútbol. Todas estas actividades levaranse a cabo ata o vindeiro 19 de agosto.

No Campus de Fútbol finalmente inscribíronse un total de 35 rapaces con idades comprendidas entre os catro e os quince anos, e o mesmo estase a realizar na Área Recreativa e Deportiva de A Veiga, en horario de 12:00 a 13:30 horas. No que se refire á Ludoteca e o Campamento Urbano hai inscritos un total de 27 rapaces. Vinte deles na Ludoteca, con idades entre os tres e os seis anos e os sete restantes no Campamento Urbano, estes con idades dos sete ós nove anos. Estas actividades celebraranse no Apeadoiro de Cabanas, tendo desta forma os participantes a oportunidade de aproveitar o espazo do piñeiral de A Madalena, unha vez que xa remataron todos os traballos de acondicionamento do mesmo, coa creación de diversos circuítos e a instalacións deportivas.

En todas estas actividades, o Concello de Cabanas está a contar coa colaboración da rede galega de supermercados GADIS, a quen lle queren agradecer a súa implicación un ano máis neste tipo de programación.

Germán Castrillón, Alcalde de Cabanas
  • Sábado, 11 Junio 2011

O candidato do Partido Popular de Cabanas resultou escollido como Alcalde do concello no Pleno que tivo lugar na mañá do sábado para a constitución da nova Corporación Municipal. Castrillón obtivo a maioría dos votos o contar con seis dos once concelleiros que conformarán o novo goberno local.

No seu discurso, Germán Castrillón aproveitou para agradecer o labor desempeñado polos antigos concelleiros así como felicitar ós novos, cunha mención especial para aqueles que se inician agora de novo na actividade política local.

O novo Alcalde de Cabanas quixo no seu discurso recordar a importancia na aprobación no Plan Xeral de Ordenación Municipal como unha ferramenta esencial para un crecemento sostible do municipio, ademais de tratarse este un Plan necesario para dotar de seguridade urbanística tanto á institución municipal como ós propios veciños de Cabanas.

Tamén tivo tempo nas súas verbas o cabeza de lista do Partido Popular para recalcar como obxectivos fundamentais do seu goberno a transparencia e honestidade, atendendo ós intereses de todos e colaborando nas tarefas comúns para construír o mañá, disposto sempre a incrementar a capacidade de diálogo e a busca do entendemento, con respecto ás opinións de todos e invitando a todos os veciños a colaborar na construción deste novo proxecto.

Excusrión a Verín e Chaves
  • Lunes, 06 Junio 2011

A Concellería de Cultura de Cabanas está a preparar unha excursión a Verín e Chaves. A viaxe terá lugar o próximo día 18 de xuño e o autobús partirá do Concello de Cabanas ás 7:30 horas da mañá. A primeira das paradas previstas será en Verín, onde se visitará o Balneario de Cabreiroa, o Castelo de Monterrei e as bodegas da zona. Logo da comida a viaxe continuará, cruzando a fronteira co veciño Portugal para pasar a tarde na cidade de Chaves. O retorno está previsto para saír de Chaves ás 19:00 horas. Máis información sobre a viaxe pode conseguirse no departamento de cultura do Concello de Cabanas ou ben chamando ó 981 49 59 59.

Fin de Actividades Municipais
  • Martes, 31 Mayo 2011

Co remate do curso escolar, o Concello de Cabanas pon tamén fin as súas actividades culturais e deportivas. Como acto final das distintas escolas municipais, a Concellería de Cultura e Deportes levará a cabo diversas actividades. Unha destas actividades será unha exposición dos traballos que se levaron a cabo durante o curso 2010-2011. O acto de inauguración terá lugar este venres, a partir das 16:00 horas. Os traballos permanecerán expostos ata o día 10 de xuño, en horario de 16:00 a 21:00 horas. Así mesmo este venres tamén se procederá a celebrar a tradicional cea de fin de curso que terá lugar no Hotel Sarga a partir das 21:30 horas. Para máis información poderán achegarse á Concellería de Cultura e Deportes ou ben chamar ó 981 49 59 59.

Campamentos Deportivos de Verán 2011
  • Lunes, 30 Mayo 2011

Un ano máis, o Concello de Cabanas participa no programa de Campamentos Deportivos que leva a cabo a Deputación de A Coruña. O programa está orientado a rapaces con idades comprendidas entre os nove e os trece anos. Nestes campamentos desenvolveranse diferentes actividades deportivas, como son o golf e a vela de cruceiro, inda que tamén terán lugar actividades complementarias como son o tenis, o voleipraia, xogos cooperativos, etc. Non se esquecerán tampouco de actividades culturais con visitas ós centros de interese na comarca e cidade de A Coruña e o estudo do ecosistema mariño das rías. Os interesados en participar terán de prazo ata o día catro de xuño para presentar a súa solicitude no Concello de Cabanas, tendo lugar o campamento do tres ó nove de xullo. O prezo da inscrición é de 85 euros que inclúen o transporte de ida e volta, a estadía e manutención en residencia e todo gasto que ocasionen as actividades programadas. O material propio das actividades deportivas entregaráselle a cada participante durante a celebración do campamento.

III Gala do Deporte e da Cultura de Cabanas
  • Viernes, 18 Marzo 2011

Pensando na promoción do deporte e da cultura, o Concello de Cabanas continua coa súa gala conxunta na que se pretende premiar as figuras máis destacadas nestes dous ámbitos e que teñan unha vinculación con Cabanas. Logo de recibir por parte das diferentes asociacións e dos propios veciños de Cabanas as candidaturas para os galardóns, concedéronse dous primeiros premios, un para o ámbito da cultura e outro para o do deporte, así como tres mencións especiais de cultura e outras tres de deporte. A entrega dos galardóns así como a propia gala tivo lugar na Escola Laica este venres día 18 de marzo, a partires das 20:30 horas.

No ámbito da cultura, o primeiro premio recaerá no xornalista Isidoro Valerio nado na parroquia de Laraxe. Cunha traxectoria de máis de vinte anos as súas costas, Isidoro Valerio converteuse por méritos propios nunha das voces máis recoñecidas na radio da nosa comarca. Recibirán unha mención especial o grupo de gaitas Airiños do Frade, pola súa labor en busca da recuperación das tradicións, Dolores Romalde, presidenta da Asociación de Amas de Casa de Cabanas e a Maria Digna Abeal, pola súa dedicación as actividades culturais en Cabanas.

Pola súa banda, no ámbito do deporte o primeiro premio será para Francisco Brage, actualmente Director das Escolas Deportivas Municipais de Fútbol do Concello de Cabanas e con toda unha vida dedicada ó deporte, especialmente ó fútbol, en diversos clubes da comarca. Do mesmo xeito tamén recibirán unha mención especial Sara Vázquez Blanco, xogadora do Club Baloncesto Calasancias, Jaime García González, atleta do Ría de Ferrol e Ero Doce, tamén do Ría de Ferrol.

Páginas