Mensaje de error

User warning: The following module is missing from the file system: file_entity. For information about how to fix this, see the documentation page. in _drupal_trigger_error_with_delayed_logging() (line 1128 of /home/cabanas/www/includes/bootstrap.inc).

Inicio

Comida de Carnaval
  • Lunes, 02 Febrero 2009

Un ano máis, os concellos de Cabanas e Pontedeume xuntan esforzos para levar a cabo unha nova Comida Intermunicipal de Carnaval. Trátase esta dunha actividade en conxunto entre os dous municipios e nos que se xuntan veciños dun e doutro lado para celebrar o Carnaval e desta forma aproveitar para estreitar lazos entre as dúas poboacións.

Nesta ocasión, a comida celebrarase o vindeiro 19 de febreiro, o xoves antes das festas de Carnaval, e terá lugar a partir das dúas e media da tarde, servíndose o tradicional cocido que nestas datas ocupa as mesas da maioría dos galegos. O prazo para poder inscribirse nesta comida rematará o día 16 de febreiro. Para acadar máis información, os interesados poderán dirixirse os Servizos Sociais dos Concellos de Cabanas, no teléfono 981 49 59 59 ou de Pontedeume, no teléfono 981 43 32 88.

Melloras nos Parques Infantís
  • Lunes, 02 Febrero 2009

Entre as diferentes obras que o Concello de Cabanas ten previsto realizar neste ano 2009, atopase a Primeira Fase para a Adecuación dos Parques Infantís ás normativas actuais. O Concello ten na actualidade diversos parques infantís nas diferentes parroquias e lugares, máis o deterioro dos elementos así como as novas normativas en materia de seguridade fan necesario unha renovación completa dos mesmos.

 

Deste xeito, aproveitando un Plan Especial da Deputación de A Coruña, o Concello de Cabanas pretende a adecuación de varios destes parques cun presuposto final que supera os 70.000 euros. Así, nesta primeira fase procederase á dotación de equipamento específico, tanto para actividades lúdico-deportivas en xeral, dirixidas ós nenos e nenas, así como da mellora dunha infraestrutura de uso público existente e que en conxunto servirán para mellorar a calidade de vida dos habitantes de Cabanas.

 

Os parques incluídos nesta fase serán os do Concello Vello, de Lavandeira, de Irís, de As Modias, de Laraxe e o do Areal. Nos traballos que se levarán a cabo está previsto o desmontaxe dos elementos que se atopan en mal estado, tanto polo seu uso continuado como por verse expostos ás inclemencias meteorolóxicas, a preparación do terreo para os novos equipamentos así como a dotación de sistemas de protección.

Oficina de reclamacións polo temporal
  • Miércoles, 28 Enero 2009

Debido ós danos ocasionados polo temporal dos pasados días, que supuxeron un grave prexuízo para os veciños e veciñas do municipio, o Concello de Cabanas vai habilitar nas dependencias municipais unha oficina na que poderán presentar reclamacións polos danos do temporal. Quen desexe presentar ditas reclamacións deberá aportar a maior cantidade de información posible (como fotografías ou facturas) e posteriormente o propio Concello de Cabanas trasladará as mesmas ante a Xunta e o Goberno Central. O horario desta oficina será de luns a venres de 09:00 horas a 14:00 horas.

O Concello de Cabanas pretende asfaltar dous camiños a través do PEIM
  • Martes, 27 Enero 2009

Dende o Concello de Cabanas segue a traballarse na mellora dos servizos e infraestruturas dos núcleos do rural deste municipio. Así, o goberno local xa levou e aprobou en pleno as obras que neste próximo ano están previsto levarse a cabo por medio do Programa Estratéxico de Infraestruturas no Medio Rural (PEIM Rural) que a Consellería de Medio Rural realiza nos diferentes concellos de Galicia.

Nesta ocasión, dende o Concello de Cabanas valorouse a necesidade de mellorar as infraestruturas viarias nas parroquias de Soaserra e Santa Cruz. Na primeira destas parroquias está previsto a pavimentación dunha pista na zona de Lavandeira de Abaixo, mentres que en Santa Cruz preténdese o aglomerado da pista que une os lugares de O Cotiño e O Alto. O custe previsto para estas dúas actuacións supera lixeiramente os 90.000 euros.

Búscase deste xeito o mellorar as condicións da rede de estradas municipais, que inda sen contar cun índice elevado de tráfico, por constituír ben a unión entre os principais viais que percorren o concello, ben o ser o único acceso a núcleos de poboación, soportan un constante tráfico. Este feito unido ó paso do tempo e as condicións meteorolóxicas provocan un deterioro desta rede que con medidas como as do PEIM pretenden arranxarse.

Viaxe a Praga
  • Lunes, 26 Enero 2009

Logo do éxito acadado o ano pasado coa organización dunha viaxe ata a cidade de Roma, dende o Concello de Cabanas e a través da súa Concellería de Cultura, estase a preparar unha nova excursión. O destino escollido nesta ocasión será Praga, no corazón de Centro-Europa. Capital da República Checa, destaca polo seu casco vello, declarado dende 1992 como Patrimonio da Humanidade, o que lle serve para ser unha das cidades máis visitadas.

A viaxe está previsto que se leve a cabo o próximo cinco de marzo, sendo a volta para o día 9 do mesmo mes. O prazo de inscrición para apuntarse nesta actividade remata o 31 de xaneiro e ademais dos desprazamentos e o aloxamento a media pensión, na excursión inclúense visitas guiadas ó Castelo de Praga e a Catedral de San Vito así como ó balneario “Karlovy Vary”. Aquelas persoas interesadas en máis información, poden ou ben achegarse polo propio Concello de Cabanas ou ben chamar ó 981 49 59 59.

O Polígono de Vilar do Colo xa conta con rede WIMAX
  • Viernes, 23 Enero 2009

Coa posta en funcionamento da antena WIMAX instalada no Polígono de Vilar do Colo solvéntase en parte as deficiencias que afectan ó mesmo e que radicaban precisamente na falta de servizos de calidade que garantisen a conexión das empresas alí radicadas a internet. O Concello de Cabanas, en colaboración co Concello de Fene e coa Dirección Xeral de Promoción Industrial puxeron en marcha esta actividade que se enmarca dentro dun plan que pretende a instalación de WIMAX ó conxunto de 32 polígonos para dotalos de banda ancha.

A instalación de WIMAX en Vilar do Colo componse dunha antena e unha pequena construcción que ocupa 28 metros cadrados que permite a conxexión a Internet de banda ancha, con maior calidade e fiabilidade que o seu equivalente técnico, o sistema WIFI, así como con maior capacidade de servizo. Ata a data, a conexión a Internet limitábase a contratación de servizos ADSL, con operadores de telefonía, pero sendo un servizo deficiente segundo os empresarios.

Esta nova instalación non so beneficiará ás setenta empresas que en Vilar do Colo se atopan instaladas, senón que tamén permitirá ós veciños das parroquias limítrofes acceder sen cables a Internet. Pero dun millar de veciños residentes nun radio de 1,5 kilómetros arredor da instalación poderán acceder a este servizo, cuxo prezo oscila entre os 30 e os 180 euros mensuais.

O Alcalde de Cabanas, Germán Castrillón, mostrou a súa satisfacción por este primeiro paso para achegar o Polígono de Vilar do Colo ó século XXI, pero avisou de que a intención do goberno municipal non queda ahí, e que se seguirá traballando para a instalación dunha rede de fibra óptica que permita mellorar inda máis os servizos ofertados no polígono. 

O Concello de Cabanas proxecta a creación dun Punto de Atención Infantil
  • Domingo, 18 Enero 2009

Unha das prioridades que ten marcado o Concello de Cabanas é o de mellorar os servizos que se ofertan ós veciños e veciñas do municipio. Por ese motivo, entre os diferentes proxectos que o concello ten previsto levar a cabo a través do Fondo Estatal de Inversión Local atópase o da rehabilitación e adaptación da escola municipal “Alcalde Álvaro Puente”, máis coñecido como a Escola de As Viñas, para a creación dun Punto de Atención Infantil (P.A.I.).

Este P.A.I. trátase dun centro de coidado para nenos e nenas con idades entre os 0 e os 3 anos, e contará con vinte prazas, sendo o seu obxectivo o de facilitar e axudar a conciliar a vida laboral coa familiar. O centro estará atendido por profesionais que se ocuparán das necesidades dos nenos e nenas, ofrecendo deste xeito un coidado axeitado que permita ós pais e nais de Cabanas o compatibilizar os seus traballos co coidado dos seus fillos.

 

 

Obradoiro para os maiores
  • Martes, 13 Enero 2009

A través da súa Concellería de Servizos Sociais, o Concello de Cabanas en colaboración coa Deputación de A Coruña, dentro do seu programa para o desenvolvemento dos servizos sociais, retoma os seus cursos destinados á poboación maior do termo municipal. Búscase con estes obradoiros o favorecer o envellecemento activo da poboación de Cabanas e mellorar deste xeito as condicións dos maiores do Concello. 

Desta forma, a partires do próximo luns día 19 de xaneiro volverán a funcionar tanto o Taller de Memoria como o de Musicoterapia. Ambas actividades terán lugar na Antiga Casa Consistorial de Cabanas, celebrándose os luns e mércores en horario de 09:30 a 10:30 da mañá. Aquelas persoas que desexen tomar parte nestas actividades, poderán facelo ó longo do desenrolo do curso. 

Pensando en facilitar o acceso ós mesmos por parte de toda a poboación de Cabanas, dende o Concello facilitarase un transporte gratuíto que percorrerá as diferentes parroquias que conforman o termo municipal. Desta forma preténdese que a poboación da zona rural do concello non atope dificultades para tomar parte nestes programas que buscan mellorar as condicións de vida dos nosos maiores. 

Aquelas persoas interesadas en participar nestes dous obradoiros de Musicoterapia e de Memoria, poden acadar máis información nos Servizos Sociais do Concello de Cabanas ou ben chamando ó 981 49 55 06.

Páginas