Inicio

Aberto o prazo de inscrición para o P.A.I. de As Viñas
  • Jueves, 18 Noviembre 2010

O Punto de Atención á Infancia do Concello de Cabanas ultima os detalles para a súa posta en funcionamento. Así, unha vez contratado o servizo que se encargará de levar a xestión do centro, abriuse xa o prazo para que as persoas interesadas en obter unha praza no mesmo poidan presentar as súas solicitudes. O prazo rematará o día 9 de decembro e os interesados poderán recoller os modelos de inscrición nas oficinas do Rexistro Xeral do concello en días laborables, en horario de 10:00 a 13:00 horas.

O Punto de Atención á Infancia é un servizo destinado a axudar á convivencia da vida familiar e laboral e está orientado a nenos e nenas con idades comprendidas entre os 0 e 3 anos. O centro ofertará a posibilidade dun servizo completo ou ben por quendas, de mañá ou de tarde así como a posibilidade de acceder por horas soltas, para desta forma adaptarse da mellor forma posible as necesidades dos pais e nais. Para recadar máis información acerca deste novo servizo, poden dirixirse ós Servizos Sociais do Concello de Cabanas ou ben chamar ó 981 49 59 59.

Programa de envellecemento activo
  • Viernes, 22 Octubre 2010

Ofrecer ferramentas para axudar á poboación maior de Cabanas a levar a cabo un proceso de envellecemento activo é o que se busca a través do novo programa posto en marcha pola Concellería de Servizos Sociais e que conta coa colaboración da Deputación de A Coruña, “Play, enchúfate á vida!” . No mesmo, e a través de diferentes actuacións, abránguese tres áreas fundamentais que definen o programa base atendendo ós conceptos de prevención, saúde e autonomía.

Desta forma o programa organízase en tres bloques, cada un deles orientado e enfocado a cumprir uns obxectivos determinados. O primeiro deles, centrarase na tarefa de prevención como un concepto fundamental no proceso de envellecemento activo. Buscarase fomentar na terceira idade as actitudes básicas que lles preparen para evitar aqueles riscos que levan á maioría dos problemas derivados da ideade: accidentes no fogar, caídas, manipulación de alimentos e medicamentos.

O segundo dos bloques centrarase no tema de saúde, xa que un bo estado físico é esencial para que as persoas maiores conserven unha calidade de vida aceptable, e para asegurar a súa contribución continuada na sociedade. Por iso no programa propóñense accións para potenciar a saúde física a través de ximnasia de mantemento, sendeirismo cognitivo, chequeo e control de saúde e unha xornada de termalismo social. Pero non se esquece o programa das accións para previr o deterioro mental mediante a estimulación cognitiva.

O último dos bloques deste programa céntrase na autonomía, buscando potenciar a capacidade das persoas maiores para controlar, afrontar e tomar decisións persoais por iniciativa propia, así como desenvolver actividades básicas da vida diaria mediante a información sobre recursos da nosa comunidade para a conservación da autonomía tanto a nivel social como instrumental. 

O programa completarase co “Plusdixital”, unha actuación que busca promover a educación e o acceso dos maiores como usuarios dos produtos de novas tecnoloxías: o uso do ordenador, acceso á web, uso de teléfonos móbiles, reprodutores de música, cámaras de fotos…unha maneira de rexuvenecerse e rachar coa fenda dixital.

O programa comezará a impartirse o próximo día 9 de novembro e está previsto que dure ata o 22 de marzo do ano que ven. En total serán quince sesións independentes de dúas horas de duración que se impartirán os martes, na Escola Laica de Cabanas, entre as 11:00 e as 13:00 horas. Aquelas persoas que desexen participar non están obrigadas a facelo en todas as sesións, xa que estas son independentes co obxecto de facilitar e permitir unha maior implicación. Así mesmo, para facilitar o acceso a toda a poboación establecerase un transporte gratuíto que percorrerá as parroquias do concello.

Tanto para apuntarse a calquera das actividades previstas como para conseguir máis información, os interesados poden facelo achegándose ós Servizos Sociais do Concello de Cabanas ou ben chamando ó teléfono 981 49 59 59.

Teatro en Cabanas
  • Viernes, 22 Octubre 2010

A Concellería de Cultura de Cabanas organiza para o próximo sábado 23 de outubro unha representación teatral. O lugar escollido para o evento será o salón de plenos do propio concello e a hora serán as 19:00 horas, con entrada gratuíta. O encargado da representación será o grupo “A Pombiña” e a obra en cuestión titúlase “Ao son dos novos”.

Nela trátanse as dificultades que xorden na convivencia entre a xente de distintas xeracións. A protagonista da mesma, a aboa Pepa vive coa súa familia (filla, neta, etc.) e a súa vida redúcese a criticar o modo de actuar e de pensar da xente nova, ata que un día se decata de que o mellor que se pode facer cando un chega a vello é deixarse ir e bailar “Ao son dos novos”.

Actividades municipais 2010
  • Lunes, 06 Septiembre 2010

Co fin do verán e o comezo dun novo curso escolar, retómanse tamén as actividades culturais e deportivas organizadas polo Concello de Cabanas. O obxectivo a perseguir volverá a ser o de dar unha alternativa de ocio tanto ós máis cativos do concello como ós maiores, cunha ampla oferta na que poder escoller.

Ximnasia terapéutica e de mantemento, aeróbic, psicomotricidade, predeporte, multideporte, balonmán, pilates, ioga, iudo, tenis ou tenis de mesa son as posibilidades deportivas que se ofrecen, mentres que entre as culturais atópase pintura, bolillos, teatro, bailes de salón, inglés, artesanía e manualidades, corte e confección, restauración de mobles ou música.

 

Ficha de inscrición de actividades

Folla de domiciliación bancaria de actividades

Ficha de inscrición Escola de Música

Folla de domiciliación bancaria Escola de Música

Castelos de Area e Balonmán Praia
  • Miércoles, 04 Agosto 2010

O pasado 24 de xullo tiveron lugar na Praia de A Madalena as segundas edicións do Concurso de Castelos de Area e do Torneo de Balonmán Praia, ambos cunha gran participación, mellorando con respecto o primeiro ano que se celebraron.

Desta forma, no II Concurso de Castelos de Area participaron un total de 35 rapaces, sendo os resultados finais os seguintes:

  • Primer premio: para o grupo chamado "A barca y colorado".
  • Segundo premio: para o grupo chamado "Las rubísimas".
  • Terceiro premio: para o grupo chamado "Plumilla".

Polo que respecta o II Torneo de Balonmán Praia, tomaron parte nel un total de 9 equipos, xuntándose máis de cen xogadores, cos seguintes resultados.

  • Primeiro clasificado e gañador do torneo: "La furia roja" - Eume.
  • Segundo clasificado: Tirso de Molina - Ferrol.
  • Premio ó mellor xogador: Enrique Romero de "La furia roja" - Eume.

Fotografías II Concurso de Castelos de Area

Fotografías II Torneo de Balonmán Praia

II Concurso de Castelos na area
  • Jueves, 01 Julio 2010

O Concello de Cabanas prosigue cunha actividade novidosa de cara o tempo de lecer durante o verán e que xa levara a cabo o pasado ano. Aproveitando o marco incomparable que supón a Praia de A Madalena, levarase a cabo a segunda edición dun Concurso de Castelos na Area. O día escollido para esta actividade será o próximo día 24 de xullo. A inscrición no concurso será gratuíta, non habendo límite de idade e podendo participar en tres categorías diferentes: infantil, xuvenil e adulto. Máis información nos seguintes links.

Bases II Concurso de Castelos na Area

Folla inscrición

II Torneo de Balonmán Praia
  • Jueves, 01 Julio 2010

Tras do éxito colleitado o ano pasado e seguindo coa idea de ofertar unha nova forma de ocio, o Concello de Cabanas levará a cabo neste verán o seu II Torneo de Balonmán-Praia de Cabanas. O evento terá lugar o próximo día 24 de xullo, rematando o prazo de inscrición o 21 de xullo. Nos seguintes enlaces poderán recadar toda a información precisa.

Regulamento do balonmán-praia

Bases do I Torneo de balonmán-praia de Cabanas

Ficha de inscrición

Páginas