Inicio

Fin de Actividades Municipais
  • Martes, 31 Mayo 2011

Co remate do curso escolar, o Concello de Cabanas pon tamén fin as súas actividades culturais e deportivas. Como acto final das distintas escolas municipais, a Concellería de Cultura e Deportes levará a cabo diversas actividades. Unha destas actividades será unha exposición dos traballos que se levaron a cabo durante o curso 2010-2011. O acto de inauguración terá lugar este venres, a partir das 16:00 horas. Os traballos permanecerán expostos ata o día 10 de xuño, en horario de 16:00 a 21:00 horas. Así mesmo este venres tamén se procederá a celebrar a tradicional cea de fin de curso que terá lugar no Hotel Sarga a partir das 21:30 horas. Para máis información poderán achegarse á Concellería de Cultura e Deportes ou ben chamar ó 981 49 59 59.

Campamentos Deportivos de Verán 2011
  • Lunes, 30 Mayo 2011

Un ano máis, o Concello de Cabanas participa no programa de Campamentos Deportivos que leva a cabo a Deputación de A Coruña. O programa está orientado a rapaces con idades comprendidas entre os nove e os trece anos. Nestes campamentos desenvolveranse diferentes actividades deportivas, como son o golf e a vela de cruceiro, inda que tamén terán lugar actividades complementarias como son o tenis, o voleipraia, xogos cooperativos, etc. Non se esquecerán tampouco de actividades culturais con visitas ós centros de interese na comarca e cidade de A Coruña e o estudo do ecosistema mariño das rías. Os interesados en participar terán de prazo ata o día catro de xuño para presentar a súa solicitude no Concello de Cabanas, tendo lugar o campamento do tres ó nove de xullo. O prezo da inscrición é de 85 euros que inclúen o transporte de ida e volta, a estadía e manutención en residencia e todo gasto que ocasionen as actividades programadas. O material propio das actividades deportivas entregaráselle a cada participante durante a celebración do campamento.

III Gala do Deporte e da Cultura de Cabanas
  • Viernes, 18 Marzo 2011

Pensando na promoción do deporte e da cultura, o Concello de Cabanas continua coa súa gala conxunta na que se pretende premiar as figuras máis destacadas nestes dous ámbitos e que teñan unha vinculación con Cabanas. Logo de recibir por parte das diferentes asociacións e dos propios veciños de Cabanas as candidaturas para os galardóns, concedéronse dous primeiros premios, un para o ámbito da cultura e outro para o do deporte, así como tres mencións especiais de cultura e outras tres de deporte. A entrega dos galardóns así como a propia gala tivo lugar na Escola Laica este venres día 18 de marzo, a partires das 20:30 horas.

No ámbito da cultura, o primeiro premio recaerá no xornalista Isidoro Valerio nado na parroquia de Laraxe. Cunha traxectoria de máis de vinte anos as súas costas, Isidoro Valerio converteuse por méritos propios nunha das voces máis recoñecidas na radio da nosa comarca. Recibirán unha mención especial o grupo de gaitas Airiños do Frade, pola súa labor en busca da recuperación das tradicións, Dolores Romalde, presidenta da Asociación de Amas de Casa de Cabanas e a Maria Digna Abeal, pola súa dedicación as actividades culturais en Cabanas.

Pola súa banda, no ámbito do deporte o primeiro premio será para Francisco Brage, actualmente Director das Escolas Deportivas Municipais de Fútbol do Concello de Cabanas e con toda unha vida dedicada ó deporte, especialmente ó fútbol, en diversos clubes da comarca. Do mesmo xeito tamén recibirán unha mención especial Sara Vázquez Blanco, xogadora do Club Baloncesto Calasancias, Jaime García González, atleta do Ría de Ferrol e Ero Doce, tamén do Ría de Ferrol.

Visita ó P.A.I. de As Viñas
  • Lunes, 14 Marzo 2011

A Consellería de Benestar e Traballo, Beatriz Mato, estivo esta mañá no Punto de Atención á Infancia que a comezos deste mes de marzo comezou a funcionar no Concello de Cabanas. Na súa visita, a Conselleria tivo ocasión de comprobar de primeira man o funcionamento deste novo servizo cuxo obxectivo céntrase en conseguir mellorar a conciliación da vida familiar e laboral. Beatriz Mato quixo recalcar nesta visita o compromiso da súa Consellería para mellorar neste aspecto, brindando o seu apoia a esta iniciativa municipal.

Na actualidade son vinte e un os nenos e nenas que se atopan inscritos neste Punto de Atención, estando previsto que no próximo mes de maio teña lugar unha nova convocatoria de prazas. As previsións por parte do Concello son as de que no próximo ano se cheguen a completar as corenta prazas distribuídas en quendas de mañá e tarde das que se dispón no centro.

Este Punto de Atención á Infancia ocupa as instalacións que no seu día se empregaron como Escola Unitaria. O Concello de Cabanas aproveitou o Fondo Estatal de Inversión Local para levar a cabo a rehabilitación e adecuación deste espazo para acoller esta nova iniciativa aportando a maiores 18.000 euros para o mobiliario. Dende o grupo de goberno púxose un especial interese en sacar adiante este centro, habida conta da necesidade dun punto que axudase na conciliación da vida familiar e laboral no municipio.

 

 

 

 

Subvencións 2010
  • Miércoles, 16 Febrero 2011

Levada a cabo a baremación da documentación presentada polas diferentes asociacións e entidades sen fins de lucro do Concello de Cabanas para o desenvolvemento de programas e actividades durante o ano 2010, establécense as seguintes axudas:

  1. C.C.R.D. San Martiño de Porto: 22 puntos - 1.623,86 €
  2. Xuventude de Cabanas: 20 puntos - 1.441,88 €
  3. Cemiterio Veciñal “Dato”: 19 puntos - 1.350,89 €
  4. S.C.R.D. “San Mamede”: 19 puntos - 1.350,89 €
  5. Cabalgata de Reis: 18 puntos - 1.259,90 €
  6. Mulleres Cabanas Rural: 18 puntos - 1.259,90 €
  7. A.N.P.A. "O Castiñeiro": 16 puntos - 1.077,92 €
  8. Cemiterio Veciñal “O Peteiro”: 16 puntos - 1.077,92 €
  9. AA.VV. Santa Cruz do Salto: 15 puntos - 986,93 €
  10. S.C.R.D. “O Loureiro”: 14 puntos - 895,94 €
  11. Caza e Pesca "O Castro": 14 puntos - 895,94 €
  12. A.D.C. Poceira Sport: 12 puntos - 731,96 €
  13. Comisión de Festas de Cabanas: 10 puntos - 531,98 €
  14. Amas de Casa "Santa Marta": 10 puntos - 531,98 €

 

Viaxe a Berlín
  • Martes, 01 Febrero 2011

Como ben sendo usual nos últimos anos, a Concellería de Cultura de Cabanas está a preparar unha nova viaxe para aqueles veciños e veciñas que estivesen interesados en tomar parte. Nesta ocasión, e logo de ter visitado en anos anteriores Roma, Praga e Estambul, o destino escollido nesta ocasión será Berlín. A capital xermana acollerá durante cinco días a excursión organizada polo Concello, dende o día seis de abril e ata o 10 que se volverá a Cabanas. Un tempo no que se poderá gozar da ampla oferta cultural que ofrece Berlín e no que se inclúe ademais unha pequena excursión ata Dresden, capital da Saxonia e considerada como a cidade máis fermosa da Alemaña oriental, cuxos monumentos arquitectónicos servíronlle para gañar o epíteto de “Florencia do Elba” e outra a Postdam, antiga capital prusiana e actual capital de Brandenburgo, celebre por ser o lugar onde se firmaron en 1945 os acordos de paz entre as forzas aliadas da Segunda Guerra Mundial. O prazo de inscrición para poder tomar parte nesta excursión remata o día once de febreiro. Nun principio o custe da mesma será de 830 euros por participante. Máis información sobre a mesma pódese recoller no Departamento de Cultura de Cabanas ou telefonicamente chamando ó 981 49 59 59.

Comida Intermunicipal da Terceira Idade
  • Martes, 14 Diciembre 2010

Como ven sendo habitual por estas datas, os Concellos de Cabanas e Pontedeume organizan a súa tradicional Comida Intermunicipal da Terceira Idade de Nadal. O obxectivo perseguido por esta actividade que organizan as concellerías de servizos sociais dos dous municipios é o de estreitar lazos entre as dúas poboacións veciñas, aproveitando ademais as festas de Nadal. A comida terá lugar este vindeiro venres, día 17 de decembro, e a hora será a partir das 14:00 horas. Para recadar máis información poden dirixirse tanto ó Concello de Cabanas como o de Pontedeume, chamando ó 981 49 59 59 no primeiro caso ou o 981 43 32 88 no segundo.

Día Contra a Violencia de Xénero
  • Jueves, 25 Noviembre 2010

O Concello de Cabanas ultima os preparativos dos diferentes actos que se teñen pensado levar a cabo con motivo da celebración do Día Internacional Contra a Violencia de Xénero. Como ven sendo habitual os últimos anos, a Casa do Concello acollerá o próximo venres día 26 de novembro os primeiros actos. A partir das 19:45 horas procederase á lectura dun manifesto no que se fará un chamamento á eliminación desta violencia que afecta a tantas mulleres inda hoxe en día. Posteriormente a rondalla “Chicas de Oro” darán un pequeno concerto.

Este ano ademais pretende ampliar a actuación con actividades no C.E.I.P. Eladia Mariño. Desta forma, o luns 29 de novembro procederase a unha actuación dun contacontos para o alumnado de educación infantil. Os de primaria poderán tomar parte nunha Ximkana da Igualdade. Na mesma e sempre cun tono lúdico mostraráselles ós nenos participantes como desenvolver as tarefas diarias do fogar. Buscase demostrar que todos podemos facernos cargo dunha gran parte das tarefas. O final farase entrega da “chapa da igualdade” confeccionada artesanalmente polos usuarios e usuarias de AFAES Portanova (Asociación de Familiares e Amigos dos Enfermos Psíquicos) nos seus obradoiros ocupacionais.

Páginas