Mensaje de error

User warning: The following module is missing from the file system: file_entity. For information about how to fix this, see the documentation page. in _drupal_trigger_error_with_delayed_logging() (line 1128 of /home/cabanas/www/includes/bootstrap.inc).

Inicio

Ruta dos Cerqueiros
  • Miércoles, 07 Mayo 2014

A Concellería de Cultura e Deportes en colaboración co club KDM de Cabanas ten previsto organizar para o domingo 18 de maio, unha nova ruta de sendeirismo, dentro da súa planificación habitual mensual. Neste caso, a ruta proposta levará ós seus participantes ata o veciño concello de Monfero, no coñecido como Camiño dos Cerqueiros.

O punto de saída como é habitual será no antigo campo de fútbol da Madalena. Os que desexen participar deberán presentarse alí as 09:00 horas. A duración prevista da ruta é de tres horas aproximadamente e a súa dificultade baixa.

Dende a Concellería de Cultura se esta barallando a posibilidade de tramitar un servizo de bus para os que desexen realizar esta ruta. En función no do número de interesados levarase a cabo ou non este servizo, para o que se pon de prazo ata o próximo venres día 9 de maio como límite para a inscrición neste bus.

Ruta ás Fragas do Eume
  • Miércoles, 23 Abril 2014

A Concellería de Cultura e Deportes en colaboración co club KDM de Cabanas ten previsto organizar para este próximo domingo, unha nova ruta de sendeirismo, dentro da súa planificación habitual mensual. Neste caso, a ruta proposta levará ós seus participantes ata as Fragas do Eume, saíndo dende a parroquia de Irís.

O día escollido será como se indicaba anteriormente o domingo 27 de abril e o punto de saída como é habitual será no antigo campo de fútbol da Madalena. Os que desexen participar deberán presentarse alí as 09:45 horas. A duración prevista da ruta é de tres horas aproximadamente e a súa dificultade baixa.

Tamén xa se está a organizar a ruta para o mes de maio, que será o domingo 18 polo concello de Monfero, no coñecido como Camiño dos Cerqueiros. Dende a Concellería de Cultura e Deportes estase a valorar a posibilidade de alugar un autobús para os que estivesen interesados. De ser así terían de prazo ata o 9 de maior para facer a preinscrición.

Ruta a Redes
  • Jueves, 13 Marzo 2014

A Concellería de Cultura e Deportes en colaboración co club KDM de Cabanas ten previsto organizar para este próximo domingo unha nova ruta de sendeirismo, dentro da súa planificación habitual mensual. Neste caso, a ruta proposta levará ós seus participantes ata ó lugar de Redes, no veciño concello de Ares.

O día escollido será como se indicaba anteriormente o domingo 16 de marzo e o punto de saída como é habitual será no antigo campo de fútbol da Madalena. Os que desexen participar deberán presentarse alí as 10:00 horas. A duración prevista da ruta é de tres horas aproximadamente e a súa dificultade baixa.

Galicia Cross Country en Cabanas
  • Miércoles, 05 Marzo 2014

Este próximo domingo 9 de marzo, o piñeiral da Madalena de Cabanas acollerá a proba final do Galicia Cross Country, primeiro circuíto autonómico de carreiras populares de campo a través. A proba a disputar en Cabanas completará o calendario logo das carreiras realizadas en Vilalba, Pontevedra e Lugo e nela daranse a coñecer os gañadores tanto en categorías masculinas como femininas desta nova modalidade. A saída da proba está prevista que sexa ás 11:30 horas e a distancia a cubrir será de 4 kilómetros.

Todos os atletas populares que o desexen inda se poden inscribir para a cita de Cabanas, rematando o prazo de inscrición este próximo xoves 6 de marzo. Para facer efectiva a mesma non teñen máis que dirixirse á web www.chamionchipnorte.com. Coa inscrición os atletas participantes terán dereito ademais de participar a recibir un regalo técnico así como avituallamento, que será cedido tanto por Coca Cola España como por Naranjas Ibáñez. Na páxina web poderán tamén conseguir toda a información pertinente o regulamento da proba.

Exposición na Escola Laica
  • Miércoles, 19 Febrero 2014

A partir de mañá, xoves 20 de febreiro, e ata o próximo día 3 de marzo, a Escola Laica de Cabanas será o escenario onde se exporá a exposición do VII Premio Internacional de Arte Gráfico Jesús Núñez 2012, da Deputación da Coruña. Trátase este premio dunha das iniciativas levadas a cabo polo organismo provincial na súa liña de apoio á creación artístico, en concreto ó desenvolvemento da arte gráfica así como en recoñecemento da labor realizada pola fundación “Centro Internacional de la Estampa Contemporánea” de Betanzos e á ampla traxectoria do artista Jesús Nuñez, o seu fundador. Na exposición poderanse apreciar os gañadores das últimas edicións deste premio. O horario será de 11:00 a 13:00 horas de luns a venres.

 

Curso de Galego
  • Martes, 18 Febrero 2014

Ó igual que xa se fixera o ano pasado, a Concellería de Cultura de Cabanas ten previsto organizar un curso de galego, en colaboración coa Xunta de Galicia. Nesta ocasión preténdese crear un grupo para impartir o curso de CELGA 4. O prazo para apuntarse no mesmo rematará o próximo venres 21 de febreiro, sendo preciso xuntar un grupo de vinte persoas para que sexa posible levar a cabo a actividade. O lugar onde se impartirá este curso, no caso de conseguir formar un grupo, sería na Escola Laica, estando pendente de saberse os horarios, realizándose nos meses de abril e maio. Os destinatarios serán persoas maiores de 16 anos ou que os cumpran ó longo do ano 2014. Para poder recadar máis información teñen que poñerse en contacto coa Concellería de Cultura de Cabanas ou ben chamar ó 981 49 59 59 extensión 3 ou no correo electrónico cultura@cabanas.es.

Inicia a súa actividade o "Planet Club"
  • Viernes, 31 Enero 2014

Un ano máis, os Concellos de Cabanas e Pontedeume, xunto coa subvención da Consellería de Sanidade, poñen en marcha o proxecto “Planet Club”. Trátase este dun espazo de lecer xuvenil dirixidos a mozos e mozas con idades comprendidas entre os doce e os dezaoito anos. A primeira das sesións deste ano será este próximo sábado, 1 de febreiro, en horario de 18:00 a 22:00 horas na Casa da Xuventude de Pontedeume.

Búscase con este proxecto ofrecer a mocidade de ámbolos concellos dun lugar propio pensado para e por eles no que poderán gozar de todo tipo de actividades que sexan do seu interese. Búscase desta maneira implicar á mocidade na xestión do seu propio ocio nun proceso participativo que ofreza alternativas atractivas.

Desta forma, as tardes dos sábados estarán cheas de obradoiros de cociña, maquillaxe, gafitti ou manualidades entre outros. A música e os xogos tamén terán o seu espazo no “Planet Club” axudando a formar un ambiente distentido, divertido e saudable.

Teatro con perspectiva de xénero
  • Jueves, 30 Enero 2014

O Concello de Cabanas vai levar a cabo este próximo venres pola mañá no I.E.S. Fragas do Eume unha nova actividade que se enmarca dentro do Programa Municipal de Promoción da Igualdade e que está sufragada pola Secretaría Xeral de Igualdade. Trátase da representación  “I’ll be watching you (hei estar vixiándote)” realizada polo grupo Chévere, que con esta obra segue a traballar e desenvolver o seu teatro con perspectiva de xénero. Esta actuación está dirixida ó alumnado que acode ó centro.

O argumento da obra xira en torno a dous personaxes, Yeni, a vocalista dunha orquestra de pachanga e Dami, o seu guitarrista, que veñen a ofrecer o típico repertorio versionando os éxitos do pop actual, supostamente neutral e apolítica. Entre tema e tema, Yeni introduce o relato da súa propia experiencia vital como muller, facendo participar ó público dunha nova e crítica lectura dos valores que transmiten as cancións que canta.

Trátase este dun proxecto pedagóxico, teatral, lúdico e musical que analiza os roles de xénero que transmiten as cancións de temática amorosa da música comercial de consumo masivo, buscando desta forma traballar e actuar na prevención da violencia de xénero e promover o pensamento crítico.
“I’ll be watching you” fala entón dos valores que moitas veces se agochan detrás das baladas románticas, cuestionando os estereotipos ríxidos de home e muller que non contemplan outras opcións, a cosificación da muller, os celos como proba de amor, a conivencia coa violencia e o sentimento de propiedade sobre outra persoa.

Páginas